- ပြည်ထောင်စုမျှော်ရည်ချက် နှင့် စံတန်ဖိုး
- အစိုးရ၏ လုပ်ငန်းတာဝန်များ
ပြည်ထောင်စုမျှော်ရည်ချက်
လွတ်လပ်မှု၊ တရားမျှတမှု၊ တန်းတူမှုရှိပြီး ငြိမ်းချမ်းသည့် ဖက်ဒရယ်ဒီမိုကရေစီပြည်ထောင်စု တည်ဆောက်မည်။
ပြည်ထောင်စုစံတန်ဖိုး
ပြည်ထောင်စုကြီးကို တည်ဆောက်ရန်အတွက် အောက်ပါတို့ကို စံတန်ဖိုးအဖြစ် ယုံကြည်လက်ခံသည်။
၁။ ဒီမိုကရေစီအခွင့်အရေး၊ ဂျဲန်တာ တန်းတူရေး နှင့် အခြေခံလူ့အခွင့်အရေးများ
၂။ တန်းတူရေးနှင့် ကိုယ်ပိုင်ပြဌာန်းခွင့်
၃။ စုပေါင်းခေါင်းဆောင်ခြင်း
၄။ စုံလင်ကွဲပြားမှုကို လက်ခံခြင်းနှင့် ခွဲခြားဆက်ဆံမှုမရှိခြင်း
၅။ လူနည်းစုအခွင့်အရေးကို ကာကွယ်ခြင်း
ကြားကာလအမျိုးသားညီညွတ်ရေးအစိုးရ၏ လုပ်ငန်းတာဝန်များ
၁။ ကြားကာလအမျိုးသားညီညွတ်ရေးအစိုးရသည် ဤပဋိညာဉ်ပါ နိုင်ငံရေးရည်ရွယ်ချက်များ၊ ဦးတည်ချက်များ နှင့်နိုင်ငံရေးလမ်းပြမြေပုံကို အကောင်အထည်ဖော်ဆောင်ရွက်ရမည်။
၂။ နိုင်ငံရေးဆိုင်ရာသဘောတူညီချက်များ ဆွေးနွေးအတည်ပြုနိုင်ရေးနှင့် ရှေ့လုပ်ငန်းစဉ်များ အကောင် အထည် ဖော်ဆောင်ရွက်နိုင်ရေးအတွက် မိတ်ဖက် နိုင်ငံရေးပါတီများ၊ တိုင်းရင်းသားလက်နက်ကိုင် တော်လှန်ရေး အဖွဲ့အစည်းများနှင့် အရပ်ဖက်လူမှုအဖွဲ့အစည်းများ လက်တွဲဆောင်ရွက်နိုင်သည့် အခင်းအကျင်း ဖော်ဆောင်ရမည်။
၃။ အာဏာရှင်စနစ် ပပျောက်ရေး၊ ၂၀၀၈ ခုနှစ် ဖွဲ့စည်းပုံအခြေခံဥပဒေ ဖျက်သိမ်းရေးနှင့် ဖက်ဒရယ် ဒီမိုကရေစီ ပြည်ထောင်စုတည်ဆောက်ရေးအတွက် မဟာဗျူဟာချမှတ်၍ အကောင်အထည် ဖော်ဆောင်ရွက်ရမည်။
(က) ပဋိညာဉ်ပါ ဦးတည်ချက်၊ ရည်ရွယ်ချက်များ၊ နိုင်ငံရေးလမ်းပြမြေပုံတို့နှင့်အညီ ကြားကာလအမျိုးသားညီညွတ်ရေးအစိုးရ၏ မူဝါဒနှင့် မဟာဗျူဟာလုပ်ငန်းစဉ်များကို အကောင်အထည်ဖော်ရာတွင် ဝန်ကြီးဌာနအလိုက် လုပ်ငန်းစဉ်များ ချမှတ်အကောင်အထည်ဖော်ရမည်။
(ခ) အာဏာသိမ်းစစ်ကောင်စီကျရှုံးရေးအတွက် နိုင်ငံရေး၊စီးပွားရေး၊လူမှုရေး၊နိုင်ငံခြားရေးနှင့် သံတမန်ရေး၊ကာကွယ်ရေးနှင့် လုံခြုံရေး စသည့်နည်းလမ်းပေါင်းစုံဖြင့် ဆောင်ရွက်ရမည်။
သန်းပေါင်းများစွာသော ပြည်သူတွေက ယခုလိုမျိုး အကြမ်းဖက် စစ်တပ်ရဲ့ နည်းလမ်းပေါင်းစုံနဲ့ ရက်ရက်စက်စက် အကြမ်းဖက်မှုတွေကို အမှုမထားဘဲ အာဏာရှင်စနစ် အဆုံးသတ်ရေးနဲ့ ဒီမိုကရေစီ ပြန်လည်ရရှိရေးတို့အတွက် လမ်းမများပေါ်မှာ ဒီမိုကရေစီရရှိရေး လူထုလှုပ်ရှားမှုများကို တခဲနက်လုပ်ဆောင်နေကြတာကိုလည်း ကျနော်တို့ တွေ့မြင်နေရပါတယ်။ ဒီအတွက်လည်း ပြည်သူလူထုကို ကျေးဇူးတင်ပါတယ်။ လူထုရဲ့ ရဲစွမ်းသတ္တိကိုလည်း အထူး ကျေးဇူးတင်လေးစားပြီး မှတ်ကျောက်တင်အပ်ပါတယ်။ နိုင်ငံတော်ရဲ့ ဒုတိယသမ္မတတစ်ဦးအနေဖြင့် လွတ်လပ်မျှတရေးအတွက် အသက်နဲ့ ဘဝကို ပဓာနမထားပဲ ပေးဆပ်အနစ်နာခံ တိုက်ပွဲဝင်ပေးခဲ့ကြတဲ့ အမျိုးသမီး၊ အမျိုးသား၊ လူကြီး၊ လူငယ်၊ လူရွယ်များ အားလုံးကိုလည်း ဦးညွှတ်အပ်ပါတယ်။ ထိုလူပုဂ္ဂိုလ်များဟာ ကျနော်တို့အတွက် အဖိုးမဖြတ်နိုင်တဲ့ အာဇာနည် သူရဲကောင်းများ ဖြစ်ကြပြီး သူတို့ကို ဒီမိုကရေစီ သူရဲကောင်းများ၊ လူထုရဲ့ သူရဲကောင်းများအဖြစ် သမိုင်းတစ်လျှောက် မှတ်တမ်းတင် ဂုဏ်ပြုသွားမှာ ဖြစ်ပါတယ်။ နိုင်ငံရဲ့ လွတ်လပ်မှုအတွက် အဆုံးစွန် စွန့်လွှတ်အနစ်နာခံခဲ့ကြသူတွေကို အမြဲဦးညွှတ်လေးစားလျက်ရှိပါတယ်။ ဒီမိုကရေစီ တိုက်ပွဲအတွင်းတွင် ကျဆုံးသွားခဲ့တဲ့ သူရဲကောင်းများရဲ့ မိဘများ၊ သားသမီးများ၊ ချစ်ခင်ရသူများနဲ့လည်း ထပ်တူ ကြေကွဲဝမ်းနည်းခံစားရပါတယ်။ သူတို့ရဲ့ အနစ်နာခံ စတေးမှုကို ဘယ်သောအခါမှ မေ့မည်မဟုတ်ပါ။ ဆုံးရှုံးသွားရတဲ့ သူရဲကောင်းများအတွက် တရားမျှတမှုရတဲ့အထိ ကျနော်တို့ လုပ်ဆောင်သွားပါမယ်။ အမှန်တရားကို ဖော်ထုတ်ပြီး တရားမျှတမှုရအောင် ဆောင်ရွက်သွားပါမယ်လို့ ကတိပေးပါတယ်။
ဒူဝါလရှီးလ
နိုင်ငံတော်ဒုတိယသမ္မတ
စစ်အာဏာရှင် ပြုတ်ကျရေးအတွက် လူငယ်များအပါအဝင် ပြည်သူပြည်သားအားလုံးက နည်းမျိုးစုံဖြင့် ဆန့်ကျင်ဆောင်ရွက်နေသလို ကျွန်တော်တို့အစိုးရအဖွဲ့မှလည်း ကျွန်တော်တို့နိုင်ငံအပေါ် အကူအညီပေးမည့်နိုင်ငံများ အဖွဲ့အစည်းများနှင့်ချိတ်ဆက်ကာ နည်းမျိုးစုံဖြင့် ဆောင်ရွက်သွားမည် ဖြစ်ကြောင်းကိုလည်း အသိပေးတင်ပြ ကတိပြုပါတယ်။ စစ်အာဏာရှင် ပြုတ်ကျမှသာလျှင် သွေးမြေ ကျ အသက်ပေးခဲ့ရတဲ့ သူရဲကောင်းတွေ၊ ညှင်းပန်းနှိပ်စက်ခံခဲ့ရတဲ့ ပြည်သူတွေကို ကျေးဇူးဆပ်ရာ ရောက်မှာ ဖြစ်ပါတယ်။
အခုအချိန်အခါဟာ စစ်အာဏာရှင် အမြစ်ပြတ် ကွယ်ပျောက်စေဖို့ တိုက်ပွဲဝင်ရန် အကောင်းဆုံး အချိန်ဖြစ်တဲ့အတွက် ကျွန်တော်တို့ အစိုးရအဖွဲ့အနေနဲ့လည်း ပြည်သူများနှင့်အတူ ညီညီညွတ်ညွတ် လက်တွဲဆောင်ရွက်သွားမှာဖြစ်သလို ပြည်သူများအနေနှင့်လည်း စိတ်ဝမ်းကွဲမှုမရှိဘဲ၊ နိုင်ကိုနိုင်ရမယ် ဆိုတဲ့ အောင်စိတ်ကို မွေးပြီး ရဲရဲဝံ့ဝံ့ ဆက်လက် တိုက်ပွဲဝင်ပေးကြပါလို့ မေတ္တာရပ်ခံ ပန်ကြားလိုပါတယ်။
အောင်မြင်မှုရတဲ့အခါမှာလည်း ကျွန်တော်တို့အစိုးရအနေနှင့် ပြည်သူပြည်သားများအားလုံးကို ကျေးဇူးပြန်ဆပ်သွားမှာဖြစ်ပြီး တိုင်းရင်းသားပြည်သူတစ်ရပ်လုံး လိုလားတောင့်တနေတဲ့ ဖက်ဒရယ် ဒီမိုကရေစီ ပြည်ထောင်စုကြီး တည်ထောင်နိုင်ရန်အတွက် ကြိုးစားဆောင်ရွက်သွားမှာ ဖြစ်ပါတယ်။
မန်းဝင်းခိုင်သန်း
ပြည်ထောင်စုဝန်ကြီးချုပ်
အောင်လံလွှင့်ချီ နွေဦးထီ
ပြည်သူ့ရင်ခွင်
သတင်းများ
“ အညာမြေကိုအားဖြည့်ဖို့ မင်းအောင်လှိုင်အိမ် အပြီးသိမ်းစို့” Campaign မှရှယ်ယာရောင်းချငွေများဖြင့် အကြမ်းဖက်စစ်ကောင်စီ၏ မီးရှို့ခံရသည့်ဒေသခံပြည်သူများအား အမိုးအကာပေးအပ်လှူဒါန်း”
စစ်ကိုင်း၊ ဩဂုတ် ၃၀ အမျိုးသားညီညွတ်ရေးအစိုးရ၊ လူသားချင်းစာနာထောက်ထားရေးနှင့် ဘေးအန္တရာယ်ဆိုင်ရာ စီမံခန့်ခွဲရေးဝန်ကြီးဌာနသည် စီမံကိန်း၊ ဘဏ္ဍာရေးနှင့် ရင်းနှီးမြှုပ်နှံမှုဝန်ကြီးဌာနနှင့်...
“ အမျိုးသားညီညွတ်ရေးအတိုင်ပင်ခံကောင်စီနှင့် အမျိုးသားညီညွတ်ရေးအစိုးရ တို့ ပူးပေါင်းစီစဉ်ကျင်းပသော (၇၇) ကြိမ်မြောက် ပြည်ထောင်စုနေ့ အခမ်းအနား၌ အမျိုးသားညီညွတ်ရေးအစိုးရ၊ နိုင်ငံတော်ယာယီသမ္မတ ဒူဝါလရှီးလ ပြောကြားသည့် မိန့်ခွန်း”
၂၀၂၄ ခုနှစ်၊ ဖေဖော်ဝါရီလ (၁၂) ရက်နေ့ ယနေ့ ကျရောက်တဲ့ (၇၇) ကြိမ်မြောက် ပြည်ထောင်စုနေ့...
“ရခိုင်ပြည်နယ်အတွင်း အကြမ်းဖက်စစ်အုပ်စုက အဓမ္မစစ်သားစုဆောင်းသည့် လုပ်ရပ်များနှင့်ပတ်သက်သည့် ထုတ်ပြန်ကြေညာချက် “
၂၀၂၄ခုနှစ်၊ မတ်လ (၃)ရက် အမျိုးသားညီညွှတ်ရေးအစိုးရအနေဖြင့် အကြမ်းဖက်စစ်အုပ်စုသည် နိုင်ငံတော်အာဏာကို အဓမ္မနည်းဖြင့် ရယူရန်ကြိုးပမ်းနေသည့် တရားမဝင် အကြမ်းဖက်အဖွဲ့အစည်းဖြစ်၍...
“ အမျိုးသားညီညွတ်ရေးအစိုးရ၊ ယာယီသမ္မတကြီး ဒူဝါလရှီးလ မှ (၇၆) ကြိမ်မြောက် ချင်းအမျိုးသားနေ့သို့ ပေးပို့သည့် သဝဏ်လွှာ”
၂၀၂၄ ခုနှစ်၊ ဖေဖော်ဝါရီလ ၂၀ ရက် (၁) ယနေ့ ၂၀၂၄ ခုနှစ်၊ ဖေဖော်ဝါရီလ...
ဆက်သွယ်ရန်
အမျိုးသားညီညွတ်ရေးအစိုးရ
infonugmyanmar.org
သမ္မတရုံး
presidentofficenugmyanmar.org
cabinetsecretarynugmyanmar.org
ပြည်ထောင်စုဝန်ကြီးချုပ်ရုံး
PMofficenugmyanmar.org